| Statistics |
Одоо сүлжээнд нийт 47 Зочин 47 Хэрэглэгч 0 |
|
Main » 2010 » 8 сар » 28 » 2014 онд газрын тосны боловсруулах үйлдвэр байгуулна
5.50.06 2014 онд газрын тосны боловсруулах үйлдвэр байгуулна |
 Ерөнхий сайд С.Батболд говийн аймгуудаар хийж байгаа албан
томилолтынхоо үеэр ингэж мэдэгдлээ. Тэрбээр энэ сарын 25-нд Зүүнбаян,
Цагаан элсний бүтээгдэхүүн хуваах гэрээт талбайд газрын тосны хайгуул,
олборлолт явуулж буй "Доншен” компанийн үйл ажиллагаатай танилцсан юм.
БНХАУ-ын хөрөнгө оруулалттай тус компани нь одоогийн байдлаар туршилтын
олборлолт явуулж байгаа аж. Он гарсаар 328739 баррель нефть олборложээ.
Гэрээнд заасан нөхцөлийн дагуу энэ оны хоёрдугаар хагасаас эхлэн
олборлолтын горимд шилжих юм байна.
Бүтээгдэхүүн хуваах гэрээний нөхцөл ёсоор эрэл хайгуулын үе шат нь 2010
онд дуусна. Цааш 20-30 жил олборлолтын үйл ажиллагаа эрхлэх боломжтой
бий. Нийт 177 сая баррель түүхий тосны нөөцөөс ашиглалтын баталгаат нөөц
нь 40 сая хэмээн Ерөнхий сайдад танилцуулж байлаа. Сайншандын аж
үйлдвэрийн цогцолборт газрын тосны боловсруулах үйлдвэр барихад доод тал
нь нэг сая тоннын хүчин чадалтай технологи бүхий үйлдвэр барих
шаардлагатай. Одоогийн байдлаар ийм үйлдвэр байгуулах хүсэлтэй арав
гаруй компани мэргэжлийн байгууллагуудад хүсэлтээ хүргүүлээд байгаа
ажээ.
Байгаа энэ боломж нөөц дээрээ түшиглээд Монгол Улс өөрсдөө газрын тосны
бүтээгдэхүүнтэй болох эх үндэс бүрдэж байгаа бөгөөд 2014 онд
боловсруулах үйлдвэр байгуулна гэдгээ Ерөнхий сайд С.Батболд мэдэгдлээ.
Монгол Улс нефтийн бүтээгдэхүүний хувьд 100 хувь хараат байдаг байсан
бол одоо үүнийг өөрсдөө үйлдвэрлэдэг болох цаг тун ойртжээ. Улс төрийн
түвшинд олон жил яригдаж байгаа газрын тосны боловсруулах үйлдвэр
барих том ажлыг Сайншандын аж үйлдвэрийн паркийг түшиглэн босгохоор
Засгийн газар зорьж байна.
www.harsuld.ucoz.com
|
|
Category: Мэдээ мэдээлэл |
Views: 876 |
Added by: xapx
| Rating: 0.0/0 |
| Total comments: 1 | |
|
0  
|
Only registered users can add comments. [ Sign Up | Login ] |
|
