Монгол
Хүмүүн нь тэнгэр харцтай
Хөрст газар нь алтлаг шороотой
Ханхгар уулс нь налайсан үзэмжтэй
Хамгийн сайхан орон монгол мину
Бичиг соёл нь босоо
Билэг оюун нь мэргэн
Байгаль дэлхий нь үзэсгэлэнтэй
Бахархмаар орон Монгол мину
Алтан дэлхийн бөмбөрцөг дээр
Алдар нэрээ дуурсгасан
Агуу зоригт Чингисийн үр сад
Алтан урагт Монгол түмэн мину
Нарт ертөнцийн зулайд
Нэр алдраа мандаасан
Нүүдэлчин өв уламжлалтай
Нинжин сэтгэлт Монголчууд мину
Уужим Монгол орноо
Уянгалуулан дуулж хуурддаг
Уртын дуучдын удамтай
Ухаалаг Монгол ард мину