Унтарсан гал
Цасаар хучигдсан тэр нэгэн өдөр
Чамтайгаа хөтлөлцөн алхахдаа
Цаг хугацааг зогсоочихмоор ч юм шиг хүсэл
Чин сэтгэлд минь төрж билээ
Зөөлөн бударсан тэр цасан
Зөрөөд өнгөрхөд л хайлчихсан
Зөвхөн намайг хөтөлсөн гар чинь
Зуурдхан хугаацаанд тавигдчихсан
Хөтөлсөн гараа тавиад чи
Хүнийх болох гээд явчихсан
Хүрээд ирнэ гэж хүлээсээр би
Хорвоо дэлхийн талыг туулчихсан
Хайраа гээд чи минь ирсэн
Хаврын тэр өдөр над руу
Халуун сэтгэл минь хөрчихсөн байсан
Хавсарга салхитай тэр өдөр
Инээгээд чамайгаа тэвэрмээр байсан
Ирэлгүй чи дэндүү удсан болохоор
Энэ олон жил хүлээсэн болохоор
Энхрийхэн бие минь хөшчихсөн байсан
Чамайг хараад би хайр хүрдэг байсан
Час халуун тэр хайр улам буцалдаг байсан
Чамтайгаа үүрд хамт байхыг хүсдэг байсан
Чамайг явсан хойно энэ бүгд үүрд унтарсан
Одоо тэр гал дахиж бадамлахгүй
Оргилуун тэр хүсэл ч дахиж төрөхгүй
Орчлонд хамт байх сэтгэл ч дахиж ирэхгүй
Оройтоогүй дээрээ чи надаас бүр яв
Сэтгэл зүрхээ би өөр хүнд хадгална
Сэвтээлгүй зүрхийг минь хайрлах тэр хүнд өгнө
Сэргэж миний хайр шинээр цэцэглэнэ
Сэвшээ салхи, шиврэх бороо тэр хайрыг минь улам дэмжинэ
\
